Aelhkielohkeme demensen bïjre lea bïevnesh demensen bïjre sjïehteladteme almetjidie evtiedimmieheaptojne jïh kognitijve funksjovnegiehpiedimmine. Bïevnesh jïh daajroe leah vihkeles juktie jïjtse skïemtjelassem haalvedh, jallh daejredh guktie bööremeslaakan maahta aktivyöki barkedh naakenigujmie lïhke fuelhkine mah demensem åadtjoeh.
Aelhkielohkeme demensen bïjre akte nedtesæjroe gusnie utnije bïevnesh åådtje teeksten, guvviej, animasjovnen jïh soptsesen tjirrh. Minngemosth akte quiz aaj dorjesovveme mij sisvegem iktede. Maahta sæjrojde oktegh lohkedh, jallh naakenigujmie ektine mah maehtieh viehkiehtidh geerve sisvegem tjïelkestidh.
Aelhkielohkeme demensen bïjre gååvnese gaajhkine noerhtelaanten gïeline, julev-, noerhte- jïh åarjelsaemien jïh eengelsken gïelesne.
Aelhkielohkeme demensen bïjre lea evtiedamme jïh beetnehvierhtieh åådtjeme aktene laavenjostosne gaskem Nasjonalt senter for aldring og helse, Nordens velferdssenter (NVC), akte institusjovne Noerhtelaanti ministereraerien sosijaale- jïh healsoesuerkien sisnjelen jïh Saemiedigkie.
Åssjalommese jïh maanuse: Frode Kibsgaard Larsen, Lene Kristiansen jïh Martin Lundsvoll, Nasjonalt senter for aldring og helse.
Web-evtiedimmie, hammoedimmie jïh animasjovne: Headspin AS
Tjoejestudioe: Nitro Sound AS
Jarkoestimmie: NVC lea viehkiehtamme noerhtelaanti gïelide jarkoestidh. Semantix lea saemien jïh eengelske gïelem jarkoestamme.
Prosjektedåehkie: Noerhtelaanti teemaviermie demensen jïh evtiedimmieheaptoen bïjre NVC:sne.